(melodi: OL-floken)
Dei føddest i same året: 1974.
Raphael og Liv Grete
På Skjelbreid og i La Chapelle.
Liv kom først til verda
og Raphael etterpå.
Slik var det òg i Kollen
der dei gullet skulle få.
Refreng:
Vi ønskjer Bienvenue à Fusa
Cher Raphael Poirée
Og lukke til i La France
Vår kjære Liv Grete
Lukke til med dagen
Me ropar hipp hurra!!
Bon mariage et salut!
VM-kongen og -dronninga!
Skiskyting er livet
for brudeparet vårt.
Osrblie var staden
dei møttest for første gong
Raphael vart dobbel meister,
Liv vart dobbelt glad.
Ho hadde funne prinsen
og dei gifter seg i dag.
Refreng
Dette er jubeldagen
alle har venta på
Vi ønskjer lukke på ferda
må de mange gode dagar få
Både i World Cup-sporet
og på livets veg
De gav lovnadsordet
Vive l'amour, Liv et Raphael!
(Mel.: OL-floken)
Det skjedde i seks og nitti (-96) for Egil og Ann-Elen:
Han debuterte i World Cup og ho på seierspallen.
Han var førstereisgut i VM og fekk seg landslagsplass.
Ho fekk sølv og jubel etter ein VM-sprint så kvass.
Refreng:
(Me ønskjer) hjarteleg til lukke kjære Egil og Ann-Elen
ta med dåke denne songen og hurra-rop på vegen (HURRA!)
Me håper livet smiler til dåke to i lag:
Verdas beste stafettpar som gifter seg i dag!
Ja, nittiseks (-96) var året for brureparet her
”prinsen” og ”prinsesso” dei fekk kvarandre kjær.
To sprudlande og rause typar med hjarta varmt og stort
gir glede til oss alle - og i dag så er det gjort:
Refreng
Samarbeid og lagånd det veit dei allting om
dei trufaste stafettfolk som inn på laget kom.
Medaljane er mange frå VM og OL,
Men Salt Lake-sølv og gullet dei er heilt spesiell’
Refreng
(melodi: Morgan Kane)
Ann-Elen vart fødd i 1971,
ganske tidleg fekk ho ski på sine bein.
Skjelbreid-ranchen låg oppå ein ”hill”,
fjellheimen ikring var både høg og vill
- Ann-Elen var blid og snill!
Ho voks opp med silotrakking, vestlandsvêr,
skirenn, smurning og pussing av gevær.
Reiste land og strand rundt med pappa Knut,
og der møtte ho nok mang ein stilig gut
- Egil Gjelland – var han ein av dei?
Milde vintrar jaga henne heimanfrå
til skigymnas i Trysil hei og hå!
Vegen opp den vart både lang og hard,
men i 1991 var saka klar:
- Ann-Elen tok VM-gull!
Målretta jobbing skaffa henne landslagsplass,
mange beilarar dei gav ho reisepass,
men så kom der ein skarpskyttar frå Voss
som ikkje akkurat prata som ein foss:
- Egil Gjelland var hans namn!
Stødige startfolk på Norges stafettlag
har dei vore dei to som gifter seg i dag.
Mange år i toppen med smil og humør -
Ann-Elen ho har funne sin storsjarmør:
- Egil Gjelland er hans namn!
På Skjelbreid-ranchen der har han slått seg ned,
kokar risgrynsgraut og snikrar i fred,
kviler ut etter reiser og harde renn,
men heldigvis er dei saman i verdscupen:
- Egil Gjelland og Ann-Elen!
Me vart glade då me fekk dette bod:
Endeleg skal bryllaupet stå!
Både Voss og Fusa gled seg i dag
og me håper de får mange gode år i lag,
- Egil Gjelland og Ann-Elen! Hugs på rekrutteringa!