Carl-Johan Bergman (f. 14.3.1978)

Carl-Johan kjem frå Ekshärad i Värmland i Sverige. Den som drog han til Noreg, var Liv Kjersti Eikeland, og sidan 2001 har dei vore sambuarar på Lillehammer. Carl-Johan har vist stort talent ikkje berre som skiskyttar, men òg som musikar, noko me i Fusa fekk nyta godt av då han spelte piano og song i bryllaupet til Ann-Elen og Egil i Hålandsdal kyrkje sommaren 2002.

Carl-Johan gjekk på skigymnas i Torsby. Han debuterte internasjonalt som skiskyttar i junior-VM i Kontiolahti. Han har ei fortid som svensk friidrettsstjerne og kan skilta med bronse på 800 m som 16-åring i SM.

Den svenske fusingen vår markerte seg i 2002/03-sesongen som ein habil skyttar og ein sikker startmann på det svenske stafettlaget. Han vann fleire startetappar i verdscupen. Sesongen 2003/04 fekk han meir fart på skia, og den positive utviklinga har halde fram. Carl Johan har plassert seg stabilt i verdstoppen. Første gong på pallen i worldcup individuelt var 2. plassen på jaktstarten i Fort Kent i 2002/03. I 2006 fekk han sin første verdscupsiger på sprinten i Kontiolahti. I tillegg greidde han to 3. plassar i Pokljuka (sprint og jaktstart). Saman med resten av det svenske laget har han ein stafettsiger frå Oberhof 2004/05. CJ har no overteke rolla som ankermann på stafettlaget, og me skal seint gløyma thrilleren han og Raphael stelte i stand i OL i Torino 2006! Samanlagt i WC har han klatra oppover frå år til år: Han vart nummer 61 i 2001/02, 40 i 2002/03, 24 i 2003/04, 14 i 2004/05 og 11 i 2005/06. Dei to neste sesongane gjekk ikkje like bra, men CJ satsar vidare under Wolfgang Pichler på det svenske landslaget, og går ein ny spennande sesong i møte. 

Hyllingssong ved sesongslutt 2002/03:
(mel. Se min kjole)
Kven er det som vinn kvar startetappe
I både verdscup og VM-stafett?
Det er Carl-Johan, han som er so kjappe
Sikker med børso og går so raskt og lett!

Internasjonale resultat:

OL:

Salt Lake City 2002: 40 normal - 28 sprint - 36 jaktstart - 14 stafett

Torino/Cesana San Sicario 2006: 23 normal, 55 sprint, sjuk jaktstart, 29 fellesstart, 4 stafett

VM:

Pokljuka 2001: 66 sprint - 16 stafett
Khanty-Mansijsk 2003: 75 normal - 27 sprint - 27 jaktstart - 7 stafett

Oberhof 2004: 9 normal - 36 sprint - 21 jaktstart - 28 fellesstart - 6 stafett

Hochfilzen 2005: 39 normal, 8 sprint, 11 jaktstart, 15 fellesstart, 7 stafett

Anterselva 2007: Gull på mix-stafett, 34 sprint, 23 jaktstart, 39 normal

World Cup – beste enkeltresultat:

1. plass - sprint Kontiolahti 05/06

1. plass - stafetten Oberhof 04/05

2. plass - jaktstart Fort Kent 03/04

3. plass - sprint Pokljuka 05/06

3. plass - jaktstart Pokljuka 05/06

3. plass - stafett Kontiolahti 03/04

5. plass - jaktstart Kollen og normalen Anterselva 04/05

6. plass – normal Østersund 02/03, fellesstart Hochfilzen 03/04, sprint Østersund, normalen San Sicario, jaktstarten Khanty-Mansijsk 04/05

7. plass - sprint Kollen, VM-stafetten Hochfilzen 04/05 
8. plass – normal Osrblie, sprint Fort Kent 03/04, VM-sprinten Hochfilzen, fellesstarten Khanty-Mansijsk 04/05 
14. plass – jaktstart Kontiolahti 03/04
14. plass – sprint Oberhof 02/03
15. plass – sprint Oslo 02/03
17. plass – normal Osrblie 01/02
19. plass – normal Anterselva 02/03
20. plass – sprint Anterselva 03/04